Наспроти шпекулациите за негов трансфер во Барселона, Бернардо Силва и оваа сезона ќе остане во Манчестер Сити. Ова го изјави извршниот директор на „граѓаните“, Феран Соријано во етерот на емисијата „Ел Чирингито“.
„Се разбира дека можам да потврдам дека Бернардо Силва ќе остане во клубот“, прокоментира Соријано.
Според „Мундо Депортиво“, португалскиот играч за врска сфатил дека му е многу тешко да се пресели на „Камп Ноу“ до крајот на преодниот рок и е подготвен да почека до следното лето.
