Силва сака да остане во Челси и следната сезона

Сопругата на Тијаго Силва, Изабел потврди дека бразилскиот дефанзивец сака да остане во Челси и следната сезона. На Инстаграм, Изабел беше запрашана дали Силва ќе остане член на “сините” и за време на 2021/22 сезона. Таа одговори: “Ако зависи од нас, да, да, да!”

Неодамна, англиските медиуми објавија дека Силва е близу до продолжување на договорот до јуни 2022 година и е многу задоволен од атмосферата во тимот.

36-годишниот дефанзивец забележа 29 настапи за Челси во сите натпреварувања, помагајќи му на клубот од „Стемфорд Бриџ“ да стигне до финалето на ФА Купот и во Лигата на шампионите.