Силекс има многу чудна сезона зад себе, беше дел од квалификациите за Лигата на шампионите, не помина добро на европска сцена, но, сепак, една година подоцна повторно успеа да избори настап на меѓународна сцена освојувајќи го трофејот во Купот на Македонија. Но, цело е кога има се, затоа што Силекс денеска (16 часот) на Националната арена „Тодор Проески“ игра бараж натпреар против Тиквеш за опстанок во Првата фудбалска лига.
„Пехарот нема да значи ништо, ниту настапот во Европа, ако не успееме да обезбедиме опстанок во Првата лига. Максимално сме фокусирани, иако и сериозно истрошени, но мора да го одиграме овој натпревар на највисоко ниво“, изјави тренерот Горан Симов.
Бараж натпреварот меѓу Силекс и Тиквеш ќе го суди Марјан Ецкоски, а доколку нема победник по 90 минути веднаш ќе се изведуваат пенали.
