Шкупи загуби од Ренова (1-2) на домашен терен со што практично и ги загуби шансите во трката за шампионската титула. Тимот од Чаир сега има негатива од десет бода во однос на лидерот Шкендија, а цехот го плати турскиот стратег Хасан Озер.
Клубот одлучил да се раздели со шефот на стручниот штаб кој беше доведен како засилување на клупата во трката за трофејот со Шкендија. Но, очигледно дека тренерите не „виреат“ многу на Чаир. Наредните денови се очекува и информација кој ќе го води составот на Шкупи до крајот на првенството.
