Македонскиот вицепрвак Шкупи тргна офанзивно на трансфер – пазарот во Македонија. По ангажманот на Фисник Зука од Работнички, кој се врати во тимот од Чаир, раководството на Шкупи успеа да договори уште еден трансфер. Блертон Шеји, младинскиот репрезентативец од Струга Трим Лум треба да биде новото засилување за составот на Гоце Седлоски.
Шкупи ќе плати 70.000 евра отштета за Шеји и ќе го доведе на стартот на летниот преоден рок. Со него Седлоски ќе има опција повеќе и за квалитетно решение на правилото за настап на фудбалери до 21 година во стартниот состав.
Очигледно дека Шкупи сериозно се подготвува за новата сезона и за настапот во Конференциската лига на УЕФА. Клубот е во завршни преговори и со Томе Китановски.
