Македонскиот вицепрвак Шкупи е во преговори за ангажман на младинскиот репрезентативец Марко Ѓорѓиевски. Тој е член на Водждовац, а минатата сезона ја играше на позајмица во Раднички Пирот. Раководството на клубот од Чаир во проектот за реконструкција и подмладување сака да доведе најголем дел од младинските репрезентативци на Македонија.
Успеа да го ангажира Блертон Шеји, во преговори е со Никола Серафимов од Академија Пандев, но и со уште еден негов соиграч, Андреј Стојчевски.
Фисник Зука од Работнички веќе потпиша за Шкупи, како и Томе Китановски од Македонија ЃП, а клубот е во преговори и со Владица Брдаровски, Бојан Илиевски, како и со хрватски напаѓач кој треба да дојде пред почетокот на подготовките за квалификациите во Конференциската лига.
