
Шкендија го совлада составот на Академија Пандев со 2-1 во Тетово и ја чува првата позиција на табелата во Првата лига со 14 бода. Бесарт Ибраими беше творец на новиот успех и стрелец на двата гола за тетовскиот тим. Првпат го совлада Алчевски со удар од 15 метри во 38.минута, а вториот гол го постигна од пенал во 74.минута. Сашко Пандев пет минути подоцна со волеј-удар го постигна единствениот гол за Академија Пандев на овој меч.
Шкупи и Ренова дадоа седум гола на Чаир, а на крајот се радуваа домашните фудбалери кои победија со 4-3. Бианор Нето во судиското продолжение беше стрелец на победничкиот погодок за Шкупи.
Голови имаше уште од самиот почеток. Дембо Дарбо погоди веднаш по судискиот свиреж за старт, уште во првата минута, а израмни Башким Велија во петтата. Јакуп Бериша во 33.минута донесе ново водство за Шкупи, но Арбер Шала израмни девет минути подоцна. Артан Велиу во 65.минута се погрижи за пресврт, но Фатјон Јусуфи во 73.минута повторно израмни. „Гипсарите“ од 77.минута играа со фудбалер помалку по исклучувањето на Џелил Абдула.
Борец го изненади Силекс во Кратово и славеше со 1-2. Христијан Грозданоски донесе предност за кратовци во 21.минута, а Борец израмни преку Оливер Стоименовски во 63.минута од натпреварот. Ѓорѓи Ѓорѓиев во 90.минута донесе триумф за велешани.
Ништо ново од Беласица, нов пораз овојпат Пелистер славеше во Струмица со 0-2. Алдаир Нето во десеттата минута и Љавдрим Фазлиу во 60.минута беа стрелци за битолскиот тим.
ПРВА ЛИГА, 6.КОЛО – РЕЗУЛТАТИ
ШКЕНДИЈА – АКАДЕМИЈА ПАНДЕВ 2-1
СИЛЕКС – БОРЕЦ 1-2
ШКУПИ – РЕНОВА 4-3
БЕЛАСИЦА – ПЕЛИСТЕР 0-2
ВЧЕРА: МАКЕДОНИЈА ЃП – ВАРДАР 2-1
РАБОТНИЧКИ – СТРУГА ТРИМ ЛУМ 1-1
Табела: Шкендија 14, Шкупи 13, Борец 11, Силекс 10, Македонија ЃП 10, Работнички 9, Пелистер 9, Струга ТЛ 8, Вардар 7, Ренова 5, Академија Пандев 3, Беласица 0.

-
МАКФУДБАЛ ТИМ НА КОЛОТО ВО ПРВАТА ЛИГА
Вардар го доби вечното македонско дерби со брзината и генијалните потези на Роџерс Мато,...
Автор makfudbal
-
(ИН)ДИРЕКТ: Јас би ја казнил Шкендија 59 меча да игра без публика!
Трагедијата во Кочани се случи, сигурно дека можеше да се превенира, но со оглед...
Автор Nikola Gjurovski

Прва лига
Гостивар му се заблагодари и на Алдаир

Евро-фудбал
Штутгарт во финалето на германскиот Куп (ВИДЕО)
