Шкендија се „лизна“ за да победи Струга ТЛ, Работнички не му „прости“ на Вардар

Шкендија е шампион, ама и се „лизна“ во Гостивар, па Струга Трим Лум лесно славеше со 0-2. Марјан Алтипармаковски во третата минута погоди од пенал, а Немања Босанчиќ зголеми на 0-2 во деветтата минута и мечот практично беше решен. Јасно беше видливо дека Шкендија и не е премногу заинтересирана да израмни.

Шкупи и Македонија ЃП ремизираа без голови. Тимот од Чаир и со вториот претендент за европска сцена одигра 0-0.

Работнички убедливо го совлада Вардар со 0-3 на градското дерби на Националната арена „Тодор Проески“. Горан Силјановски во 12.минута донесе водство за „романтичарите“ во 12.минута, а Фахрудин Ѓурѓевиќ зголеми на 0-2 во 26.минута по проигрувањето на Лука Станковски. Во 57.минута, Стефан Јевтоски зголеми на 0-3, а Анатолиј Петејчук во 83.минута постигна почесен гол за вардарци.

Ренова очекувано ја совлада Беласица со 3-1. Ален Јашароски постигна хет – трик. Погоди за „гипсарите“ во деветтата и во 45.минута, а Давид Калпачки намали во 52.минута. Ален Јашароски во 82.минута стрелаше од пенал за потврда на триумфот.

Пелистер со 3-1 го совлада тимот на Академија Пандев. Кире Маркоски во 24.минута ги доведе гостите во водство. Израмни Борче Маневски во 41.минута, а во вториот дел Ристе Илијовски се погржи за пресврт во 47.минута. Омар Гудијаби во 73.минута зголеми на 3-1. Стрелецот Ристе Илијовски во 75.минута беше исклучен поради два жолти картони.

Силекс и Борец ремизираа 1-1. Пепи Ѓоргиев во 30.минута донесе предност за Силекс, а израмни Александар Мишов од пенал во 80.минута од мечот.

ПРВА ЛИГА, 31.КОЛО – РЕЗУЛТАТИ

ШКЕНДИЈА – СТРУГА ТРИМ ЛУМ 0-2

ВАРДАР – РАБОТНИЧКИ 1-3

ШКУПИ – МАКЕДОНИЈА ЃП 0-0

РЕНОВА – БЕЛАСИЦА 3-1

ПЕЛИСТЕР – АКАДЕМИЈА ПАНДЕВ 3-1

СИЛЕКС – БОРЕЦ 1-1