Шкендија пресилна за Борец (ФОТО)

Актуелниот првак Шкендија оствари убедлива победа (0-3) на гости против Борец и го намали бодовното заостанување зад лидерот Шкупи на пет бода. Но, тимот од Чаир утре ќе го игра мечот против Работнички од 20.коло.

Борец имаше сили да одолева речиси едно полувреме. Повремениот репрезентативец Кире Маркоски го отвори резултатот во 43.минута, а потоа се беше многу полесно за гостите од Тетово.

Ангелчо Тимовски во 60.минута зголеми на 0-2, а Бруно Дита го постави конечниот епилог во 78.минута. До крајот шанси имаа и Дориев и Хасани, но сепак остана 0-3.