Шкендија ги стартуваше подготовките за квалификациите во ЛШ

Македонскиот првак Шкендија заврши со одморот за ова лето. Траеше многу кусо, но фудбалерите на Шкендија имаат обврски во квалификациите за Лигата на шампионите кои ќе почнат во текот на Европското првенство. Шјендија е носител во првото квалификациско коло и се очекува да добие релативно полесен противник на стартот, а амбициите на тимот на Ернест Ѓока се да се стигне далеку на европската сцена.

Без капитенот Егзон Бејтулаи кој е дел од репрезентацијата на Македонија, фудбалерите денеска ја имаа првата прозивка. Од утре треба да стартуваат и со тренинзи. Засега, Шкендија доведе две нови имиња во составот кои чекаат за промоција, Сабит Билали од Шкупи и Ангелчо Тимовски од Силекс.