Легендарниот украински фудбалер Андреј Шевченко (45) од вчера и официјално ја презеде должноста тренер на деветкратниот шампион на Италија, Џенова. Тој ќе го предводи тимот на Горан Пандев и ќе се обиде да избори опстанок.
Шевченко, кој на почетокот на годинава ја однесе Украина до четвртфиналето на ЕВРО, го наследи Балардини на клупата. Џенова во првите 12 натпревари сезонава забележа само една победа под водство на Балардини, а со девет бода се наоѓа на разочарувачката 17. позиција во Серија А.
Андреј Шевченко има големи планови и веќе наголемо работи на засилувања во зимскиот преоден рок. Прославениот Украинец сака да донесе по еден играч во секоја линија од својот тим, стопер, играч за врска и напаѓач.
„Заедно да започнеме нова авантура за да ја вратиме Џенова онаму каде што припаѓа“, рече Шевченко.
Кристијан Пулишиќ од Челси и Олександр Зинченко од Манчестер Сити се првите две желби на Украинецот.
Шевченко на клупата на Џенова првпат ќе седне на 21 ноември кога на „Мараси“ ќе гостува Рома предводена од Мурињо.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal