Севилја оствари минимална (0-1), но многу важна победа на гости против Леванте и го достигна Реал Мадрид со 67 бода на третото место на табелата во Ла Лига. Тимот од Андалузија и натаму не се предава во трката за шампионската титула. Лидер е Атлетико Мадрид со 70 бода.
Ен Несири во 53.минута го постигна победничкиот гол за Севилја. Енис Барди беше стартер за Леванте и играше 60 минути, а на негово место во игра влезе Моралес.
