Шкупи е во победничко расположение откако дојде Гоце Седлоски на тренерската позиција, а утре ќе гостува во Струга. Тоа е сериозен предизвик за тимот од Чаир со оглед дека Струга Трим Лум се бори за излез во Европа.
Дефанзивецот Фаустин Сенгор вели дека во Струга ќе биде тешко, но се надева на нов позитивен резултат за Шкупи.
„Знаeме дека сме на крајот од сезоната и сите екипи имаат свои планови, но Шкупи е во најдобра позиција кога во прашање е излезот во Европа. Очекувам тежок натпревар против Струга Трим Лум, но исто така и победа за продолжување на позитивната низа“, изјави одбранбениот фудбалер на Шкупи.
