Сенегал е првиот финалист во Купот на Африка (ВИДЕО)

Селекцијата на Сенегал се пласира во финалето на Африканскиот куп на нации откако во полуфиналната пресметка ја совлада Буркина Фасо со 3-1. Во финалниот дуел ќе го очекува победникот од второто полуфинале во кое утре ќе се сретнат Камерун и Египет.

Дијало во 70. минута донесе водство за Сенегал, а шест минути подоцна Гуеје зголеми на 2-0. Надежта за Буркина Фасо ја врати Туре во 82. минута, но Садио Мане пет минути подоцна ги разреши сите дилеми.