Одамна почна да се раситнува „десетката“, се ближи историскиот меч меѓу Грузија и Македонија за пласман на Европското првенство. По нотите на маестро Симон Трпчевски, во изведба на портпаролот на ФФМ, Златко Андоновски, препев на песната која беше актуелна кога младата фудбалска репрезентација до 21 година се избори за пласман на ЕП во Полска.
Сега со имињата на сениорските репрезентативци во песната, одлична мотивација за добра игра и успех на 12.ноември во Тбилиси.
„Јас уште од мал сум се стремел да бидам на врвот. Секој сака во својата професија да биде меѓу најдобрите. Ќе бидам неизмерно горд ако македонските фудбалски репрезентативци се пласираат меѓу најдобрите во Европа и бидат дел од Европското првенство“, изјави Симон Трпчевски во емисијата „Сега е наше време“.
