Шкупи го освои второто место на табелата во Првата лига, ќе излезе на европска сцена, а дотогаш Гоце Седлоски ќе мора сериозно да поработи на реализацијата на својот тим. Шкупи одигра 1-1 на гости кај шампионот Шкендија во последното коло од шампионатот.
„Сакам прво да и честитам на Шкендија за титулата. Се виде уште еднаш дека играме добро, создаваме шанси, но треба и да ги користиме тие шанси. Ни недостасува голгетер. По примениот гол почнавме да играме многу подобро, замените што ги направив ни донесоа офанзивна игра.Сметам дека според прикажаното можеби и заслуживме да ја победиме Шкендија. Сега одиме на одмор, а потоа следуваат подготовките за следната сезона. Се надевам дека со неколку квалитетни засилувања овој тим на Шкупи ќе биде уште подобар следната сезона“, изјави Гоце Седлоски.
