Тотенхем испушти победа против последнопласираниот тим на табелата во Премиер-лигата, Саутемптон. Составот на Антонио Конте имаше водство од 1-3, но во финишот прими два гола за реми (3-3).
Педро Поро донесе предност пред крајот на првиот дел, а израмни Че Адамс. Хари Кејн и Иван Перишиќ зголемија на 1-3, но Тео Волкот намали, а потоа гостите направија наивен пенал кој во израмнување го претвори Џејмс Ворд-Праус.
Лидс Јунајтед со 2-4 славеше на гости против Вулверхемптон, а Астон Вила го совлада Борнмут со 3-0. Даглас Луиз, Рамси и Буендиа беа стрелци на головите за тимот од Бирмингем.
