Сасуоло го победи италијанскиот првак Интер на „Џузепе Меаца“ со 0-2 нанесувајќи му го вториот последовен пораз пред неговите гледачи, а вкупно трет во Серија А оваа сезона. Тимот на Симоне Инзаги не успеа да се опорави од поразот од Ливерпул во Лигата на шампионите, а тоа гостите знаеја да го искористат.
Џакомо Распадори во осмата минута донесе водство за Сасуоло, а Џанлука Скамака во 26.минута зголеми на 0-2. Интер не успеа да возврати до самиот крај.
Во судиското продолжение, Стефан де Фрај постигна гол, но по прегледување на ВАР – снимката не беше признат.
Интер се наоѓа на второто место со 54 бода, два помалку од градскиот ривал Милан, но има и еден одигран меч помалку.
