Австрискиот репрезентативец и напаѓач на Штутгарт, Саша Калајџиќ е на прагот да се пресели во Вулверхемптон. Иако неодамна беше посакуван од Манчестер Јунајтед, младиот напаѓач сега е многу блиску до потпис за Вулверхемптон.
Австриецот постигнал договор со „волците“, а клубовите преговараат за висината на обештетувањето. Се верува дека зделката ќе биде склучена наскоро и дека Штутгарт ќе добие 25 милиони евра од продажбата на играчот.
Саша Калајџиќ има 15 настапи за австриската репрезентација за која постигна четири гола. Штутгарт немаше многу избор бидејќи договорот на играчот истекуваше следното лето, па очигледно сакаа барем да заработат од неговото заминување.
