Прославениот камерунски фудбалер Самуел Ето стана прв човек на фудбалот во својата држава. Тој е избран за нов претседател на Фудбалската федерација на Камерун. Ето добил 43 гласа на Генералното изборно собрание, наспроти неговиот противкандидат Саиду Мбомбо Ноја со 31.
„Би сакал да се заблагодарам за довербата и можам да ветам напорна работа со една цел, просперитет на камерунскиот фудбал. Имаме многу работа пред нас и нешта што треба да ги промениме“, изјави Самуел Ето по изборот за нов претседател на федерацијата.
