Францускиот гигант Пари Сен Жермен работи на плановите за следната сезона, прва во која по пет години треба да состави тим без Килијан Мбапе. Светските медиуми пишуваат дека заминувањето на Мбапе во Реал Мадрид е завршена работа, а клубот се уште бара начин да го убеди да остане. Но, раководството на „светците“ работи и на план Б, кој изгледа се повеќе ветувачки.
Најголема желба на ПСЖ е доаѓањето на Ерлинг Халанд од Борусија Дортмуинд и на тоа наголемо се работи во Париз. Тие го гледаат Халанд во клубот како единствената вистинска замена за Мбапе.
Според „Л’Екип“, ПСЖ веќе започнал преговори со агентот на Халанд, Мино Раиола, а доколку успее да одолее на интересот на другите клубови, се очекува зделката да биде склучена со трансфер од околу 90 милиони евра.
Откако Маурисио Покетино ќе му ја остави клупата на Зинедин Зидан, а Мбапе би бил заменет со Халанд, клубот ќе се сврти кон доведување на други нови играчи. На таа листа на желби се издвојуваат Пол Погба и Лукас Пакета.
