Мохамед Салах од Египет, Ашраф Хакими од Мароко и Виктор Осимен од Нигерија се тројцата номинирани за титулата африкански фудбалер на годината. Салах има уште една силна сезона со тимот на Ливерпул и ќе се обиде да ја освои наградата по третпат во кариерата, по 2017 и 2018 година.
Десниот бек на Пари Сен Жермен, Ашраф Хакими, беше клучна фигура во селекцијата на Мароко кој стигна до полуфиналето на Светското првенство 2022. Нигерискиот напаѓач Виктор Осимен постигна 26 гола за Наполи во Серија А минатата сезона и му помогна на тимот да ја освои титулата на Италија, за првпат по 33 години.
Минатогодишниот победник Садио Мане не е меѓу годинешните номинирани по неубедливата сезона во Баерн Минхен и трансферот во Саудиска Арабија.
За женската награда номинирани се петкратната победничка Асисат Ошоала, Темби Кгатлана и Барбра Банда.
Африканската фудбалска конфедерација ќе ја одржи годишната церемонија на доделување награди во понеделник во Маракеш, Мароко.
