Ѕвездата на Ливерпул, Мохамед Салах, ја коментираше победата на неговиот тим од 1-2 против Кристал Палас. Напаѓачот го постигна победничкиот, негов 200. гол за „црвените“.
„Мислам дека најважно беше што го добивме натпреварот. Беше навистина тешко. Кога победуваме и постигнувам голови, се чувствувам одлично. Среќен сум за рекордот и за победата на тимот. Гледам победнички менталитет во овој тим. Треба само да продолжиме да се бориме до крај. Сигурен сум дека можеме да направиме нешто посебно оваа година“, изјави Салах.
Ливерпул се наоѓа на врвот на табелата во Премиер – лигата со 37 бода, еден повеќе од Арсенал и два повеќе од Астон Вила.
