Португалската суперѕвезда Кристијано Роналдо ќе биде нов член на Ал-Наср. Тој од 1. јануари 2023 година ќе го носи дресот на еден од напознатите клубови во Саудиска Арабија. Договорот ќе биде на две и пол години.
Роналдо ја раскина соработката со Манчестер Јунајтед само неколку дена пред почетокот на Мундијалот во Катар и во моментов е слободен агент. Тој и неговиот агент Жорге Мендеш се надеваа дека ќе најдат клуб од Лигата на шампионите, но, откако тоа не се случи, Португалецот ја прифати понудата на Ал-Наср.
Според договорот, тој ќе заработува околу 200 милиони евра по сезона во новиот клуб.
