Францускиот првак Пари Сен Жермен е најпосакуваната дестинација на Кристијано Роналдо кој многу веројатно ќе го напушти Јувентус на крајот од сезоната. По пропаѓањето на идејата за Европска Суперлига за која се залагаше Андреа Ањели, јасно е дека раководството на „старата дама“ ќе го крати буџетот за следната сезона, а тоа значи и дека Роналдо ќе мора да замине со оглед дека има годишна плата од 31 милиони евра.
Јувентус би го продал и за сума од 25 милиони евра, само за да се ослободи од неговата огромна плата. Пари Сен Жермен е подготвен да го купи Португалецот, но само доколку и тој размисли за сериозно намалување на неговата заработка.
Во опција секако е и Манчестер Јунајтед, поранешниот клуб на Роналдо, кој би сакал големата ѕвезда да се врати на „Олд Трафорд“, пред се од маркетиншки причини.
