Кристијано Роналдо ќе се обиде да избегне антирекорд на денешниот натпревар на Манчестер Јунајтед против Барнли во Премиер – лигата. Напаѓачот на „црвените ѓаволи“ е на прагот на нешто што не му се случило повеќе од една деценија – да не се запише на пет последовни натпревари на клупски план.
Тоа на Роналдо претходно не му успеа на натпреварите со Вулверхемптон, Брентфорд, Вест Хем и со Мидлсборо.
Последен пат ваква „суша“ го погоди Португалецот во 2010 година, кога беше во Реал Мадрид. Тогаш Кристијано Роналдо не ја затресе мрежата на последниот натпревар од сезоната против Малага, како и на првите четири од следната сезона – против Мајорка, Осасуна, Реал Сосиедад и против Ајакс.
