Фудбалерите на Рома остварија минимална победа од 0-1 на гостувањето кај Емполи во натпревар од 28. коло на италијанската Серија А.
Тимот на Клаудио Раниери ја запиша својата шеста последовна победа во сите натпреварувања, а во последните осум дуели има само едно реми, што потврдува дека „волчицата“ е во одлична форма.
Рома поведе уште во првите 20 секунди од мечот, кога Матијас Суле со прецизен удар од работ на шеснаесетникот ја затресе мрежата на домаќините.
До крајот на првиот дел, гостите имаа можност да зголемат, но Шомуродов погоди пречка, а ударот на Коне заврши во стативата.
Второто полувреме помина во мирен ритам, со целосна контрола на Рома, додека Емполи не успеа да создаде ниту една сериозна шанса за израмнување – барем до судиското надополнување.
Во самиот финиш, Довбик имаше одлична можност, но голманот Силвестри одлично интервенираше, додека на другата страна, Куаме за малку ја промаши целта.
Со оваа победа, Рома се искачи на седмото место со 46 бодови, додека Емполи останува 18-ти со 22 бода.
