Рома ја забележа својата петта победа во Серија А оваа сезона со убедлив триумф од 5-0 против Парма на „Олимпико“. Главен инспиратор на победата беше Пауло Дибала, кој постигна два гола.
Дибала го отвори резултатот уште во осмата минута, а само пет минути подоцна Алексис Салемакерс зголеми на 2-0.
На почетокот на второто полувреме, Дибала повторно постигна гол. До крајот на натпреварот, од пенал погоди и Леандро Паредес, додека последниот гол беше дело на Артем Довбик.
