Хрватскиот првак Динамо Загреб имаше ужасен старт на Лигата на шампионите. Во Минхен доживеа вистински дебакл од Баерн и загуби со 9-2.
Македонскиот интернационалец Стефан Ристовски, по натпреварот се извини на фановите и истакна дека Динамо во овие мигови мора да покаже единство.
„Пред сѐ, сакам да им се извинам на сите фанови на Динамо, се надевам дека ќе ни простат и ќе бидат покрај нас во овие тешки мигови. Не е воопшто лесно да се коментира после еден ваков пораз. Ние не го претставуваме само Динамо, туку и хрватскиот фудбал. Сега е најлесно да се впери прстот во некого и да се каже дека е виновен, но само заедно можеме да се извлечеме од оваа ситуација. Динамо со години гради имиџ и ова е неприфатливо за нас. Имам само една молба, да останеме заедно и во единство да го пребродиме ова. Само така можеме да одиме напред“, изјави Ристовски.
