Александар Трајковски и официјално е нов фудбалер на Локомотива Загреб. Она што беше најавено вчера, денес доби и конечна потврда – македонскиот репрезентативец ќе го носи дресот на хрватскиот прволигаш барем до крајот на сезонава.
Трајковски, втор најдобар стрелец во историјата на Македонија, извесно време беше без клуб, но сега се враќа во средина што одлично ја познава. Хрватските навивачи го паметат по настапите во Хајдук и Интер Запрешиќ, каде остави силен впечаток.
Локомотива му посака добредојде со порака дека очекуваат токму тој да донесе дополнителна искра во офанзивата. За Трајковски ова е нов предизвик и идеална прилика повторно да се надигра на високо ниво.
