Француската фудбалска ѕвезда Франк Рибери официјално објави крај на својата играчка кариера на 39-годишна возраст.
„Болката во коленото е се посилна, а лекарите јасно ми кажаа дека немам повеќе избор и морам да престанам да играм. Затоа ја завршив кариерата како професионален играч“, објави Рибери.
Французинот денеска дојде за последен пат како играч да ги поздрави навивачите пред натпреварот од 11. коло на Серија А против Специја. Тој го прошета теренот во својот дрес, додека целиот стадион пееше во негова чест, а на една од трибините беше кренат транспарент со натпис: „Има светла што едноставно не се гасат. Да живее брат, а вистинска суперѕвезда!”
Се разбира, Франк Рибери не можеше да ги сопре солзите…
