Репрезентативците пристигнаа, попладне првиот тренинг (ФОТО)

Фудбалската репрезентација на Македонија од денеска повторно е на собир и ќе се подготвува за претстојните мечеви против Лихтенштајн (8.октомври) во Вадуц и три дена подоцна против Германија во Скопје. По трите ремија во низа во септември, приоритет е да се оствари победа против аутсајдерот Лихтенштајн, а потоа да се излезе на нов мегдан против суперфаворитот Германија.

Германците се уште го паметат оној пораз во Дуисбург, спектакуларната победа на Македонија со головите на Горан Пандев и на Елиф Елмас.

Првиот тренинг А репрезентацијата на Македонија ќе го одржи попладне, од 17 часот, на комплексот на ФФМ.