Во трката за хрватскиот стопер Јошко Гвардиол се вклучи и Реал Мадрид. Шпанскиот гигант веќе неколку пати испраќал скаути да го следат Гвардиол, последен пат и на два натпревари на Светското првенство.
Мадриѓаните ќе се обидат да го доведат на лето, но проблем може да им биде Челси кој сака да го реализира трансферот веќе во јануари.
Гвардиол се осврна на интересот на Реал на почетокот на месецот.
„Реал Мадрид е најголемиот клуб во светот. Којзнае, можеби еден ден ќе можам да играм таму. Би сакал. Модриќ не мора ништо да ми кажува, не е потребно – знам колку е посебно тоа да те поврзуваат со Реал“, рече тој.
Динамо Загреб минатата година го продаде Гвардиол на Лајпциг за 18,8 милиони евра и ќе заработи 20% и од неговиот следен трансфер.
За Јошко Гвардиол има интерес и од англискиот шампион Манчестер Сити.
