Реал Мадрид постигнал договор со Тибо Куртоа за продолжување на неговиот договор, пренесува „Марка“. 33-годишниот белгиски голман ќе го продолжи својот договор за уште една дополнителна година – до летото 2027 година.
Продолжувањето е безусловно, нема да зависи од бројот на одиграни натпревари и веќе се смета за завршена работа, останува само да биде официјално објавено од клубот.
Актуелниот договор на Куртоа важи до крајот на јуни 2026 година.
На овој начин, Реал Мадрид ја продолжува својата пракса да нуди само едногодишни продолжувања на фудбалери кои имаат над 32 години.
Куртоа е дел од „кралскиот клуб“ веќе седум години, откако во 2018 година прејде од Челси во Мадрид. За Реал досега има одиграно 288 натпревари, примил 282 голови и успеал да сочува 113 „чисти мрежи“. Со клубот има освоено две титули од Лигата на шампионите, три титули во Ла Лига, еден Куп на кралот, две европски Суперкупа, два шпански Суперкупа, како и Интерконтиненталниот куп и Светското клупско првенство.
