Реал Мадрид планира да ја реновира одбраната во летниот преоден рок. Иако преговара со капитенот Серхио Рамос за продолжување на соработката, “кралскиот клуб” веќе го договори доаѓањето на Давид Алаба од Баерн Минхен, а во тесните планови на Зинедин Зидан е и Жул Кунде.
Одличниот дефанзивец на Севилја го привлече вниманието на најголемите европски клубови, а Реал Мадрид сака да реагира побрзо од Манчестер Јунајтед кој исто така е заинтересиран за младиот француски интернационалец. Отштетната клаузула на Кунде изнесува 80 милиони евра, но се верува дека Севилја би се согласила да го продаде и за сума од 60 милиони евра.
