Реал Мадрид оствари нова победа во Ла Лига откако го совлада Елче на гости со 0-3. Интересно беше дека „кралевите“ постигнаа шест гола на овој меч, но по прегледување на ВАР не беа признати дури три од нив.
Феде Валверде го отвори резултатот во 11.минута, а потоа следеше период на дури три непризнати погодоци на „кралевите“. Во 75.минута Карим Бензема погоди за 0-2, а во финишот Марко Асенсио го постави конечниот резултат.
