Воска Спорт има два порази на стартот од сезоната во Првата лига, а утре ќе го пречека најтрофејниот клуб Вардар на „Билјанини извори“.
Тренерот Миљан Радовиќ вели дека има максимален респект за Вардар, но се надева на триумф против „црвено-црните“.
„Многу важен натпревар за нас, после двата порази, иако навистина одигравме добро на двата меча, но резултатски не поминавме добро. Јас заедно со мојот штаб верувам во овие момци, во нашиот тим, мислам дека можеме да направиме добар резултат, да го победиме Вардар, иако знаеме дека Вардар е големо име во Македонија. Повторно ќе кажам, не е лесно да се игра по два порази, но ние сме способни и подготвени за такво нешто, така што максимално подготвени и со голем оптимизам ја очекуваме оваа средба“, изјави тренерот на Воска.
