Францускиот ас Килијан Мбапе ќе биде подготвен за настап на утрешниот реванш натпревар од осминафиналето во Лигата на шампионите против Реал Мадрид. Стрелецот на единствениот гол на првиот меч кој донесе предност (1-0) за ПСЖ, го одработи вечерашниот тренинг на „Сантијаго Бернабеу“, а тоа значи и дека ќе може да биде во комбинација за утрешниот дуел со „кралевите“.
Мбапе вчера доби силен удар од соиграчот Идриса Геј, а потоа мораше да ги смирува фановите на ПСЖ кои го нападнаа на социјалните мрежи.
Интересно е дека Килијан Мбапе беше бурно поздравен од навивачите на Реал Мадрид. Тие се надеваат дека Французинот ќе дојде како големо засилување по завршувањето на сезоната. Тој неколкупати одби нов договор со ПСЖ и се очекува да направи трансфер како слободен агент во Реал Мадрид.
