Францускиот првак Пари Сен Жермен и каталонскиот гигант Барселона се на готовс и го чекаат последниот потег на Лион за да тргнат во офанзива по Мемфис Депај. Француските медиуми најавуваат дека Лион ќе се согласи и на минимална отштета од 5 милиони евра со оглед дека договорот на Холанѓанецот истекува на крајот од сезоната.
Тренерот на Барселона, Роналд Куман, сакаше да го ангажира Депај и во летниот преоден рок, но финансиската криза беше пречка за негов ангажман. Каталонскиот клуб и натаму се мачи со финансиите, но затоа Пари Сен Жермен би можел веднаш да реагира и да го доведе Мемфис Депај на „Паркот на принцовите“ уште на почетокот на јануари.
