ПСЖ ја донесе одлуката. Килијан Мбапе и следната година ќе остане во Париз. Клубот објави дека не е подготвен да го пушти за отптета од околу 150 милиони евра, а реално нема ниту клуб што би платил за тоа на само 12 месеци пред истекот на договорот.
Поради ова ПСЖ ќе го задржи Мбапе до крајот на договорот, а доколку во меѓувреме не го продолжи, ќе може да си замине дури по неговиот истек. Доказ за ова е вчерашното претставување на новиот дрес на ПСЖ за следната сезона на кое беше присутен и Килијан Мбапе.
Ова исто така значи дека Леонардо нема да го донесе Роналдо, клубот ќе го напушти Икарди, па ПСЖ бара нов централен напаѓач. Покетино очигледно би го посакал Хари Кејн, но нема шанси ПСЖ да плати 150 милиони фунти за капитенот на Англија.
