Репрезентацијата на Бразил за првпат не забележа победа во квалификациите за СП откако ремизираше без голови на гостувањето во Колумбија. „Кариоките“ се сепак првопласирани во групата со освоени 28 бода, шест повеќе од второпласираната Аргентина, која на домашен терен славеше против Уругвај со 3-0.
Лионел Меси го најави триумфот во 38. минута, а само шест минути подоцна Родриго Де Пол го удвои водството за Аргентина. Лаутаро Мартинез во 62. минута го постави конечниот резултат.
Боливија го совлада Перу со 1-0, Венецуела беше подобра од Еквадор (2-1), а Чиле оствари победа (2-0) над Парагвај.
