Дефанзивецот на Борусија Дортмунд, Рафаел Гереиро, се зарази со коронавирус, соопшти германскиот клуб. 28-годишниот Португалец е во самоизолација, а уште еден одбранбен играч на Борусија, Матс Хумелс, е во карантин со симптоми на болеста иако се уште не го добил резултатот од ПЦР – тестот.
Во својот следен натпревар од Бундес – лигата, „милионерите“ и гостуваат на Арминија Билфелд на 13 март.
Проблеми со заразените играчи и членови на стручниот штаб има и Арменија, објавија германските медиуми.
Во меѓувреме, стана јасно дека двајца играчи на Унион Берлин ќе го пропуштат мечот со Штутгарт в сабота. Станува збор за голманите Андреас Луте и Кевин Биренс кои исто така се позитивни на коронавирус.
