Капитенот на Пари Сен Жермен, Маркињос, ќе биде надвор од терените во наредните неколку недели поради повреда на левата нога. Искусниот 31-годишен дефанзивец сигурно ќе го пропушти саботниот дуел од Лига 1 против Оксер.
Бразилецот е дел од парискиот клуб од 2013 година и досега има одиграно над 300 натпревари во дресот на ПСЖ.
Проблемите со повреди не застануваат тука – повредени се и Дезире Дуе, Осман Дембеле и Жоао Невеш, кои исто така најверојатно нема да бидат во составот за големото дерби со Барселона во Лигата на шампионите следната недела.
ПСЖ по пет кола во француското првенство има освоено 12 поени и се наоѓа на второто место на табелата. Во Лигата на шампионите, актуелниот бранител на титулата го започна походот со убедлива победа од 4-0 против Аталанта.
