Бомба во последен момент на трансфер пазарот, со голем пресврт. Манчестер Јунајтед испратил молскавична понуда до Спортинг Лисабон, со износ малку над сумата за која се преговараше со Арсенал – меѓу 70 и 80 милиони евра. По овој брз потег на „црвените ѓаволи“, кои гп искористиле очигледниот застој во преговорите со Арсенал, англискиот клуб доставил понуда за Швеѓанецот и е многу блиску до договор со португалскиот гигант, јавуваат британските медиуми.
Желбата на Ѓокереш е добро позната: тој сака да игра за Арсенал, да се бори за титулата во Премиер – лигата и да настапува во Лигата на шампионите. Но во моментов, враќањето кај Рубен Аморим, кој го тренираше во Спортинг и со кого стана шампион на Португалија, изгледа како многу веројатно сценарио.
Како што објави „А Бола“ во саботата вечерта, договорот меѓу Арсенал и Спортинг за Ѓокереш е во сериозен ризик да пропадне, бидејќи португалскиот клуб е непопустлив во своето барање од 80 милиони евра за да се раздели со својот голгетер. Арсенал, пак, веќе шест дена не покажува никаква намера да ја зголеми својата понуда, што сериозно ги намалува шансите да се постигне договор. Ризикот од неуспех е голем, а дури и семејството на фудбалерот веќе е свесно дека напаѓачот сè повеќе се оддалечува од Лондон.
