Неколку клубови од Премиер – лигата размислуваат за трансфер на Џејдон Санчо ова лето, според влијателниот германски весник „Билд”. Челси и Ливерпул сега се вклучија во трката за потписот на Англичанецот, кој има уште нешто повеќе од две години од договорот со Борусија Дортмунд.
„Сините” веруваат дека купувањето на 21-годишниот офанзивец ќе биде неверојатна инвестиција за иднината и сакаат крилото да го претворат во „суперѕвезда на деценијата“.
Манчестер јунајтед, исто така, останува заинтересиран за Санчо, иако “црвените ѓаволи” не прифаќаат трансфер доколку Дортмунд не ја намали цената од 120 милиони евра.
