Сите 20 премиерлигашки клубови донесоа одлука за воведување нови казни за навивачите на стадионите кои не го почитуваат пропишаниот кодекс на однесување.
Во соопштението на Премиер – лигата се наведува дека е донесено правило за воведување казни за забрана за навивачите кои учествуваат во антисоцијални и криминални активности.
„Навивачите за кои ќе се утврди дека носат пиротехнички средства или димни бомби или внесуваат било што на стадионот без дозвола, автоматски ќе бидат забранети од стадионите низ Англија најмалку една година“.
„Оваа казна може да се примени и за родителите, како и за возрасните сопатници на децата кои учествуваат во вакви активности. Правилото стапува на сила веднаш и важи и за домашните и за гостинските навивачи“, се вели во соопштението на највисокото ниво на англискиот фудбал.
