МАКФУДБАЛ во Ереван,
Македонија за дуелот во Ереван против Ерменија остана без еден од своите стандардни дефанзивци. Висар Муслиу доживеа повреда на натпреварот против Летонија (0-3) во Рига, а предмалку стигна уште полоша вест.
Муслиу ќе мора да паузира подолг период затоа што заработил скршеница на мала коска во стапалото. Поради ова тој не е во официјалниот записник за овој натпревар против Ерменците.
Деталните лекарски прегледи во Ереван покажаа дека Висар Муслиу сепак има малку посериозна повреда од првичните предвидувања.
