Францускиот играч за врска Пол Погба се враќа во Торино, каде што го играше најдобриот фудбал во кариерата. Во наредните три години тој повторно ќе го носи дресот на Јувентус. Доаѓа како слободен агент откако му истекува договорот со Манчестер Јунајтед, а ќе заработува 10 милиони евра по сезона.
Погба имаше понуда и од Пари Сен Жермен, финансиски многу подобра, но на крајот сепак одлучи да се врати во Јувентус. Тој играше за „старата дама“ во периодот од 2012 до 2016 година, настапи на 178 натпревари и постигна 34 гола. Откако освои осум трофеи со Јувентус, за сума од 105 милиони евра направи мегатрансфер во Манчестер Јунајтед.
