Лајпциг ја прифати понудата од 60 милиони евра од Тотенхем за Чави Симонс. Лондонскиот клуб добил позитивни сигнали од фудбалерот, што било клучниот момент Тотенхем да се вклучи во трката за неговиот потпис.
Се очекува уште денес Холанѓанецот да ги мине медицинските прегледи и да стави потпис на договор со новиот клуб. Личните услови не претставуваат проблем и трансферот е прашање на време.
Симонс со недели се сметаше за речиси сигурно засилување на Челси, но „сините“ не успеаја да постигнат договор со Лајпциг околу висината на трансферната сума – што на крајот му ја отвори вратата на Тотенхем.
