Крилниот напаѓач на Баерн Минхен, Кингсли Коман заработи нова повреда. Францускиот репрезентативец лечеше повреда на адукторот и почна со индивидуалните тренинзи.
Сепак, крилниот напаѓач заработи уште една повреда на денешниот тренинг. Додека се обиде да дрибла со топка, Коман паднал на земја, се фатил за коленото и почнал да вреска од болка, пренесува „Билд“.
Медицинскиот тим на Баварците му помогнал на фудбалерот, по што тој со куцање се вратил во соблекувалната.
Неговата здравствена состојба во оваа фаза сѐ уште е нејасна. Тој во текот на утрешниот ден сигурно ќе замине на нови детални прегледи.
Кингсли Коман е именуван во репрезентацијата на Франција за ЕВРО 2024.
